Teer toe gher ki kamaan k the
Haath par aik meharbaan k the

Uss k lehje mein sach toe tha lekin
Rang gehre m're gumaan k the

Door tak bheegta hua jungle
Waa dareeche t're makaan k the

Kuch talism-e-najoom-e-shab bhi tha
Kuch karishme bhi tere dheyan k the

Tha woh jadu sa aasmaanon mein
Shawq iss se siwa uRaan k the

Mein jab aai toe woh safar mein tha
Aur irade bhi aasmaan k the

Mein theharti ya woh thehar jata
Saye bus aik sayebaan k the

Neend khwabon ko chu k laut aai
Aakhri moR daastaan k the

na usse, na mujhe hi raas aaye
Raaste ye jo darmeyaan k the

Jab hawa tham gai, tabhi jana
Taur kuch aur baadbaan k the

Phir bhala kis tarah mana karti
Faisle chashm-e-meharbaan k the


Mein mail ka jawab nahin de sakti kyunkeh premium member nahin. Jawab likha tha, par bheja nahin ja saka! Khushi ho gi keh agar iss ghazal k bare mein raye dein...

Aur agar aap kitab lena chahte hein toe kitab ka naam hae Sar e Dasht e Gumaan, aur iss ko Alhamd publications ne shaya kiya hae, Ahmed Nadeem Qasmi sahab aur Amjad Islam Amjad uncle ki aara shamil hein...publisher ka ph number hae, 7231490, ye lahore ka number hae.


u can read poetry here..
www.orkut.com

and here
www.urdupoint.com