DHTML Menu / JavaScript Menu Powered by Milonic
Already a member? Sign In

Village Journals help
Resonate your identity with Naseeb journals. Express your opinions, share your thoughts, post your writings and connect with like minded people through the power of expression.

Banaa Gulaab to Kaante


banaa gulaab to kaaNTe chubhaa gayaa ik shaKhs
huaa chiraaG to ghar hii jalaa gayaa ik shaKhs

tamaam rang mere aur saare Khvaab mere
fasaanaa keh ke fasaanaa banaa gayaa ik shaKhs

mein kis havaa mein uruuN kis fazaa mein laharauN
dukhon ke jaal har ek suu bichhaa gayaa ik shaKhs

palaT sakuuN mein na aage hi barh sakuuN jis par
mujhe ye kaun se raaste lagaa gayaa ik shaKhs

muhabbatein bhii ajab us kii nafaratein bhii kamaal
merii tarah kaa hii mujh mein samaa gayaa ik shaKhs

vo mahataab thaa marham-ba-dast aayaa thaa
magar kuchh aur sivaa dil dukhaa gayaa ik shaKhs

khulaa ye raaz ke aaiinaa Khaanaa hai duniyaa
aur is mein mujh ko tamaashaa banaa gayaa ik shaKhs
 

Add Comments

 
Add
 

  Comments on this journal

Login to find out (March 16, 2006 at 11:43am)
Dekha tujhe, socha tujhe, chaha tujhe pooja tujhe
Meri wafa meri Khata teri khata kuchh bhi nahi
 
Login to find out (March 14, 2006 at 12:42am)
ahd-e-maazi ki sunaati ho kahaani mujhko
is taraH roz tum ik jabr nayaa karti ho
kal talak dekhna mujh ko na gavaara tha tumheN
aaj milti ho to iqraar-e-vafaa karti ho?
 
Login to find out (March 12, 2006 at 10:30pm)
rehta hai woh rag-e-jaan mein meri har dam
Paas bhi nahi aur saath saath hain hum
 
Login to find out (March 12, 2006 at 12:50am)
Tum mere paas hote ho goya
Koi doosra nahi hota
 
Login to find out (March 11, 2006 at 6:52pm)
Mujhe tumhaari judaai ka koe runj nahin
Mere khayal kie duniya mein mere pass ho tum
 
Login to find out (March 11, 2006 at 11:43am)
Aik se musafir hain
Aik sa muqaddar hai
Mai zameen per tanha
Aur wo aasmaano main !!!
 
Login to find out (March 10, 2006 at 11:49am)
ab ye socha hai ke jab bhee saamney aayenge woh
sar jhukai be neyazaana guzar jainge ham
 
Login to find out (March 10, 2006 at 10:27am)
abhi kuch din lage gai jannat ko badelnay mein,
nai jannat bananey mein purani bhool jane mein
 
Login to find out (March 9, 2006 at 7:31pm)
Ik mudat raha hain jeet say beperwah lekin
Jab jeetna chaha haar gaye hum haar gaye
 
Login to find out (March 8, 2006 at 11:16pm)
is shart par khailoongi mein pyar ki baazi
jeetoon to sanam teri haaroon to piya teri
 
Login to find out (March 8, 2006 at 10:50am)
Hoti Hain Is Piyar Main Kuch Raaz Ki Batain
Yuun Hi To Is Khail Main Hara Nahi Jata