Sunaa hai log use aankh bhar ke dekhate hain
soo us ke shahar mein kuchh din Thahar ke dekhate hain

Sunaa hai rabt hai us ko Kharaab haaloon se
Soo apane aap ko barbaad karake dekhate hain

Sunaa hai us ko bhi hai sher-o-shaayarii se shagaf
Soo ham bhi mojaze apane hunar ke dekhate hain

Sunaa hai bole to baatoon se phuul jhadate hain
Ye baat hai to chalo baat kar ke dekhate hain

Sunaa hai raat use chaand takataa rahataa hai
Sitaare baam-e-falak se utar kar dekhate hain

Sunaa hai hashr hain us ki Gazaal si ankhein
Sunaa hai us ko hiran dasht bhar ke dekhate hain

Sunaa hai din ko use titaliyaan sataati hain
Sunaa hai raat ko jugnuu Thahar ke dekhate hain

Sunaa hai us ke laboon se gulaab jalate hain
Soo ham bahaar par ilzaam dhar ke dekhate hain

Sunaa hai us ke badan ke taraash aise hain
Ke phuul apani qabaayen katar ke dekhate hain

Rookay to gardishain ooska tawaf kerti hain
Chalay to oosko zamanay tehr kay dekhtay hain

Ab oosskay shehar may tehrain kay Kooch ker jain
Faraz Aao sitaray safar kay dehktay hai.....