nice ghazal saeqa ji

canadian ji...
subhan allah....bahut khubsurat ghazal hai

kuchh tabiyat hi mili thi aisi chain se jeene ki suurat na hui
jis ko chaaha use apna na sake jo mila us se muhabbat na hui

wa wa...

actually i was so busy in the past week ke bas time hi nahi milla....ek ajeeb si shairi mein gum tha (math or physics ki shairi)
wo kehte hein ke ...
If math is a language then physics is it's poetry.....
lekin aap ki ghazal iss math/physics poetry se bahut uupar haii....

Quantom sb kahan ghayeb rahe itne dinon....bahut hi umda nazm laye hain aap...maza aagaya..Daad wasooliye bhai.... dekhiye aapke liye ek ghazal laye hain :)

kuchh tabiyat hi mili thi aisi chain se jeene ki suurat na hui
jis ko chaaha use apna na sake jo mila us se muhabbat na hui

jisse jab tak mile dil hi se mile dil jo badla to fasana badla
rasmen duniya ki nibhane ke liye hamse rishton ki tijarat na hui

dur se tha vo kai cheharon me paas se koi bhi vaisa na laga
bevafaai bhi usi ka tha chalan phir kisi se hi shikayat na hui

vaqt ruutha raha bachche ki tarah raah me koi khilauna na mila
dosti bhi to nibhai na gai dushmni me bhi adaavat na hui

mujh ko shikast-e-dil kaa mazaa yaad aa gayaa
tum kyon udaas ho kyaa yaad aa gayaa

kahane ko zindagii thii bahut muKhtasar magar
kuchh yuuN basar huii ke Khudaa yaad aa gayaa

vaaiz salaam le ke chalaa maikade ko main
firdaus-e-gum_shudaa kaa pataa yaad aa gaya

barase baGair hii jo ghaTaa ghir ke khul gaii
ek bevafaa kaa ahd-e-vafaa yaad aa gayaa

maaNgenge ab duaa ke use bhuul jaayen ham
lekin jo vo bevaqt-e-duaa yaad aa gayaa

hairat hai tum ko dekh ke masjid men ai 'Khumar'
kyaa baat ho gaii jo Khudaa yaad aa gayaa