DHTML Menu / JavaScript Menu Powered by Milonic
Already a member? Sign In

Village Journals help
Resonate your identity with Naseeb journals. Express your opinions, share your thoughts, post your writings and connect with like minded people through the power of expression.

Poetry


Mehwe Hairat

Kahan hay too merey Khuda
Kahan hay too merey Khuda

Wo bhi aik waqt tha
Tera Qurb jab naseeb tha
Dua pe apni maan tha
sawal ka jawab tha
jo ghair ko na mil saka
wo mera intisaab tha
Ragoan mein jaisay khoon ho
Too itna hi qareeb tha
Deedar-e-mebuub-e-Khuda
dil ka merey sukoon tha

Ab kahaN hay too Khuda
Sunay ga kab meri sada

Zameen-o-Aasman sab
teri azmatoaN kay hein nishaN
SamandroaN ki har lehr
Terey hi hukm par rawaaN
charind aur parind bhi
kareiN hamd teri hi bayaN
Pahaar hein to sijda raiz
Darakht kay samar ayaaN
Magar O merey Kibriya
Too hay kahaN, too hay kahaN

Too nay jab ke khood kaha
"Aey bashar"
"Rakh Kun faykoon ka asraa"
To jab sab hee terey bas mein hay
to "Kun" too nay kiyooN nahi kaha
Thak thak gayee sehraoN mein bhatki meri sada
Barzakh meiN too nay rooh ko la khara kiya

KiyooN ghair sa too lagay mujhay
Woh kahaN gaya, jo tha mera PIYARA khuda
Kahan hay too merey Khuda
O merey apnay Khuda
 

Add Comments

 
Add
 

  Comments on this journal

Login to find out (June 3, 2010 at 9:59am)
Ainie: Welcome back once again. Thanks for this lovely nazm